كشفت الناشطة السياسية منى سيف عن انقطاع المياه عن سجن طره منذ صباح الجمعة.

وقالت- عبر منشور لها على "فيسبوك"-  "لحد انتهاء الزيارات النهاردة في سجن طرة استقبال كانت المياه مقطوعة عن بعض عنابر السجن (منهم عنبر ب) من قبل صلاة الجمعة".

وأضافت "سيف": "المياه مقطوعة تمامًا, مش هنتكلم عن أهمية المياه للنظافة والاستحمام لكن مياه الشرب اللي كانوا شايلينها على جنب خلصت ومابقاش ماعندهم مياه للشرب يفطروا عليها ويستخدموها خلال اليوم النهاردة".

وتابعت: "آخر معلومة كانت أن في مساجين ناويين يرفضوا يكملوا التمام لحد أما ادارة السجن تحل أزمة المياه, وماعندناش أي معلومة تانية تطمنا، هل الموضوع اتحل ولا لأ, وإذا كان المساجين رجعوا زنازينهم وهم كويسين لا تعرضوا لأي تكدير أو أذى".

وواصلت: "ما بين ‏ثعابين سجن القناطر، و‏انقطاع المياه طرة استقبال، والتدهور الصحي لمساجين كتير، وآخرهم موت زغلول الجبالي عمره 59 سنة من 5 أيام في سجن طرة استقبال بعد تدهور صحته نتيجة ظروف حبسه و الإهمال الطبي".

واختتمت: "وطبعًا الظروف غير الآدمية الدائمة في سجن العقرب، الواحد مش عارف يعمل إيه ولا إيه, و يدعي على مين ولا مين ولا مين".