دشن رواد موقع التواصل الاجتماعي "تويتر" هاشتاج حمل اسم "صبح على مصر بفكة"، وذلك للتعليق على دعوة السيسي للمصريين التنازل عن القروش القليلة خلال معاملاتهم البنكية لصالح المشروعات. 

وخلال ساعات قليلة عقب خطاب السيسي تصدر الهاشتاج موقع "تويتر" بسبب كثرة التعليقات الساخرة والمنددة بماقاله قائد الانقلاب عبد الفتاح السيسي.

فسخر صاحب حساب بقوله : " اول رئيس يستبدل البنوك بالحصالات، جمهورية اديني بالباقي لبان، #صبح_علي_مصر_بفكه".

وقال طارق سعد : " و الفكره ان الفكه مش متحده ؟؟؟ يعنى ممكن يبقى مرتبك كل فكه بالنسبه ليهم، و يا سلام لما الفكه تروح للقضاء و الجيش و الشرطه #صبح_علي_مصر_بفكه".

وعلق علي بقوله : " بلحة كل شوية بينزل بمستواه فالشحاته، مره اتبرع بجنيه ومره بالفكة، المهم ياخد اللي في جيوبنا".

وغرد أحمد غانم بقوله : " #صبح_علي_مصر_بفكه مثلها مثل طلب عباس كامل وجنراله المهزأ شوية فكة من السعودية يحطوها في البنك المركزي، لغة تجار الوطن وبائعي مصر لمن يدفع".

وقال أحمد : " والله يا جماعة احنا بقينا اضحوكة العالم فعلا، الفكة دى مصيرها القضاء والجيش".

وعلقت إسراء : " وهى فين المرتبات اللى تاخد منها الفكة دى".

وسخرت منى صلاح من الخطاب قائلة : " السيسى فك المناخ التشاؤمى".

وقال عمر : "  كان مستخبيلنا فين المعتوه ابن المعتوه ده بس يارب".

وعلق د.رضا أيوب : " السيسي زي واحد استلف من طوب الأرض وعليه شيكات ووصلات أمانه ورهن بيته للبنك وجي يصيع ع المعدومين".

وقال الخليفة : " قالك أنا عاوز الفلوس دي إزاي معرفش ، يا تسيب الفكه يا تفك".

كان قائد الانقلاب عبد الفتاح السيسي، طالب الموظفين المصريين بالتبرع عبر التنازل عن القروش القليلة خلال معاملاتهم البنكية لصالح المشروعات القومية، وقال السيسي، خلال كلمته في افتتاح مشروع "غيط العنب" بالإسكندرية،  اليوم الاثنين: "أنا عايز فكة معاملاتكم البنكية ومرتباتكم هتفيد البلد وهتعمل ملايين ايوة والله صدقوني.. يعني لو واحد بيصرف شيك بـ 1255 وشوية فكة.. ناخد الفكة دي ونحطها في حساب لصالح البلد".