كتب أسامة مرسي، نجل الرئيس محمد مرسي، في منشور على موقع التواصل الاجتماعي "فيس بوك": "النهاردة بعد صلاة الفجر روحت اشتري فاكهة من فكهاني أول مرة أدخل عنده ، نقيت شوية موز وست مسنّة جدا هي الي بتوزن وتبيع وفجأة شوية تين برشومي من الي رصاهم للعرض وقعوا لوحدهم فلميناهم سوا وبعدين قالتلي منه لله الي غلّا الحاجة وخلا الناس تبقى عينها في حاجة نفسها تجيبها لعيالها ومش معاها" .

وتابع: "فقلتلها معلش يا أمي ربنا يفرجها قالتلي ده ذنب الراجل الطيب الي محبوس هو وكل الي زيه قلتلها ادعيلهم يا حاجة يمكن دعوتك تصيب إن شاء الله فقالتلي بدعيله والله ده ابني مهندس وبيحب مرسي جدا روح يا ريس مرسي ده ربنا الي خلق الظلم خلق معاه العدل يارب يجعل في بقك سكرة وفي قلبك جوهرة يا راجل يا طيب يالي دقنك منورة انت وكل الي زيك".

وختم قائلاً: من ساعتها وأنا في حالة بشر وانتعاش وسكينة.. والله يا أبي لن يضيعك الله".