استنكرت حركة 6 أبريل واقعة تغيب حبيب العادلي، وزير داخلية الرئيس المخلوع حسني مبارك، عن حضور أولى جلسات الاستشكال على حبسه 7 سنوات في اتهامه بالاستيلاء على أموال الداخلية.

وتحدثت الحركة، عبر صفحتها الرسمية على موقع "فيس بوك"، عن مجموعة من الشباب المعتقلين ، مقارنةً موقفهم بموقف حبيب العادلي. 

وكتبت الحركة: "شاب زي إسلام الحضري ساب السياسة والعمل العام واتفرغ لبيته وأسرته وشغله، يتقبض عليه الفجر من بيته وتتروع أسرته ويتلفقله تهم من الهوا لمجرد إن الضابط الفاشل اللي في إسكندرية مش لاقي حاجة يعملها وبيألف قضايا على آخر معلوماته".

وتابعت الحركة: "مهندس أحمد ماهر بيقضي 12 ساعة مراقبة في القسم بالمخالفة للقانون.. بيحضر دبلومة في جامعة القاهرة محاضراتها وامتحاناتها بعد 6 وبتتداخل مع مواعيد المراقبة والأمن رافض يعدل المواعيد.. شغله كمهندس مدني بيخلصه بالليل + المذاكرة للدبلومة والأمن رافض دخول لابتوب وموبايل معاه بالمخالفة للقانون برضو".

وتابعت الحركة: "وعلى النقيض نلاقي الناحية التانية الحرامي وزير التعذيب حبيب العادلي هربان من الإقامة الجبرية قال ومستغربين! متهم بيتضرب له التحية العسكرية طول ما هو ماشي في السجن والجلسات وعلى الهوا كمان.. عاوزين ايه من وزارة وجهاز لسة بيعتبروه كبيرهم الذي علمهم القتل؟! مفيش منهم رجا والله".