عادت الطالبة «مي» ذات الـ22 عاماً إلى منزلها بمركز فاقوس، والتي تغيبت منذ الأسبوع الماضي.
حيث أكد أهلها أنها عادت مرة أخرى إلى منزلها، حيث كانت تمر بحالة من الحزن بسبب بعض المشاكل ولكنها عادت مرة أخرى.

وكشفت «مي السيد» بعد كتابة منشور على موقع التواصل الإجتماعي «فيس بوك» تكشف سبب اختفاءها وتقديمها اعتذار حيث قالت «أنا آسفة الفترة الأخيرة كنت بخسر جامد وفشلت وخسرت فلوس كتير وأنا أصلاً عليا فلوس لحد ما اتصدمت أن الدورة الأخيرة في المشروم باظت وكنت زعلانه جداً مع ماما اللي أنا دلوقتي مستاهلش دمعة منها وهفضل ندمانة عشان كنت مخنوقة ومضايقة وتخيلت إني لما أكون لوحدي فترة هبقي أحسن و قفلت موبايلي وقعدت عند بنت خالي وفهمتهم إن ماما عارفة لحد ما اكتشفنا إن الدنيا مقلوبة عليا يوم الخميس إمبارح أول أنا مكنتش متخيلة الوضع يوصل لكده أنا كنت غبية و اتسرعت ودلوقت أنا ندمانة أنا بعتذر لأمي حبيبتي وبعتذر لأهلي اللي بحبهم بأن فعلاً وبعتذر لكل الناس اللي قلقو عليا ودعولي وقلبو الدنيا عليا هفضل أعتذر طول عمري أنا آسفة يا أمي أنا آسفة».