القافلة تنبح ... والكلاب تسير

والحرامي حاكم ... والشريف أسير

والأسعار بتولع ... والفلوس تطير

والفلوس تطير ... والفلوس تطير

والفلوس تطير ..... وإيييييييه.

.

وجيش بيعمل كحك .. وجيش بيموت فى سينا

واحد على الحدود ..... وزميله ف البنزينه

شوفلك شغلانه تانيه .... العب بعيد يا خينا

بتحارب الإرهاب ..... بالكفتة والعجينه

بالكفتة والعجينة .... والكفتة والعجينه

وإيييييه

.

خلصتوا الاحتياطي ... وحررتوا الدولار

وراح رز الخليج ... وشحنات السولار

ولسه العيشه مرة ... وكل حاجه نار

يا إما العيب علينا . يا اللى بيحكم حمار

يا اللى بيحكم حمار .. واللى بيحكم حمار

اللى بيحكم حمار

وإيييييه

.

عمل لنا مشاريع ........ خباها م الأشرار

وترعة السويس ......... حتجيب 200 مليار

وكلها شهرين ....... وتبقى مصر عمار

مدن وغواصات ........... ونحفر الآبار

وبعدها بكام يوم ...... خدها الغراب وطار

خدها الغراب وطار ........ خدها الغراب وطار

وإيييييه

.

زودتوا كل حاجة .... م الأكل للبنزين .

ولا عدت لاقى سكر ... ولا عارف اكلم مين

ولا سكر الإخوان ...... ولا سكر التموين

وشحتنا من أوغندا ....... والناس حتاكل طين

وما عدش نافع كدبك .... اكدب لناس تانيين ..

دا الفقر طايل حتى ...... أتباعك الخاينين ...

أتباعك الخاينين ....

أتباعك الخاينين ......

وإيييييه .