روت أسرة محمد عفروتو الذي قتل الجمعة الماضي على يد قوات الأمن بقسم المقطم تفاصيل ما حدث لنجلهم مع أمناء وضباط الشرطة داخل الحجز.

وقال سيد صديق "عفروتو"، في سرده لتفاصيل الواقعة: إحنا كنا ثلاثة واقفين في الشارع فوجئنا بـ6 تكاتك يخرج منها ضابط واثنين أمناء شرطة و5 أفراد آخرين قعدوا يفتشوا فينا والضابط مسكني أنا وصاحبي علي لكن محمد جري منهم عدى من الأول والتاني وعند التالت وقع منه بعدما ضربه بالنص وكعبله وقّعه على سن الرصيف وحتى لما وقع الضابط قال لهم اقفشوه ونزلوا فيه ضرب والتلاتة اتلموا عليه عند الكوافير القريب.

وأضاف: بعد كده ضربوا عفروتو على وشه 3 مرات وهو مرمي في الأرض ولما قال لهم جنبي بيوجعني الضابط سأله في أي حتة، فأشار إليهم على جنبه الشمال تحت الكلى راح ضاربه في نفس المكان 4 ضربات برجله وهو خلصان وأخذونا إلى القسم".

وتابع: لم يحتمل عفروتو وظل يصرخ فيهم آه يا جنبي ولما أمين شرطة وصل قالوا له، سعادتك محمد بيموت، رد علينا بكل برود إيه يعني سيبوه يموت.. مش بتاع إستروكس وتاني مرة محمد رجع فيها، كانت الروح طلعت.