شكا أهالي الشرقية من سوء المعاملة داخل إدارة مرور بمراكز المحافظة، وفرض رسوم إضافية على الرخصة، فضلًا عن المطالبة بتركيب أرقام للسيارة مرة أخرى، وتعنت الموظفين بشكل مؤذي لهم.

وقال أحد المواطنين "انا لسه فاحص اليوم الرخصة اتكلفت 2600جنيه لمدة سنة شنطة إسعاف 600جنيه والأغرب من كده صلاحيتها لمدة سنه العربية قبل كده كان عليها نمر كمبيوتر شالوها ركب نمر صاج شالوها ركب اليوم نمر كمبيوتر، وكمان اكشفوا بوية قوايم البابين الامامين و عجز بكده العربية افيو 2010 حسبى الله.

وقال آخر" روحت أرخص الموتوسيكل 3 سنين، ودفعت ثمن 3 سنين رخصة مع 50 جنيه طلبها مني الموظف عشان يخلص الورق، تيجي تسأل علي الأيتام فلان يقولوا عند الظابط وجاي، والآخر يطلع هو اللي كنت بتسال عليه
وانا تيجي تكلمه يقولك موضوعك مش عندي، ده عند الاستاذ فلان، هو فين فلان التاني ده مش موجود ده مش عارف فين".

وتابع "عاوز تخلص لازم أدفع، مش هتدفع هتقعد ومش هتخلص، في المرور قبل ما تقول للموظف السلام عليكم لازم تمد إيديك بفلوس الأول عشان بس يبصلك،  وبعدين فلوس عشان يخلص ورقك.