استمرار لنهجه في تضييق الخناق على الشعب المصري، أعلن  قائد الانقلاب عبد الفتاح السيسي، تقييد الدعم الصادر على بطاقات التموين.

وقال خلال افتتاح عدد من المشاريع في الصعيد،: " لن نصدر بطاقة تموين ثاني لأكثر من فردين في الأسرة في اللي فات وفي الجديد مفيش بطاقات واللي هيتجوز ملهوش بطاقة تموين".

وأضاف السيسي: "أنا قولت لا يمكن هدي بطاقة تموين تاني لحد بيتجوز لأنك لو بتتجوز ومستني نديك بطاقة تموين ده كلام مش مظبوط، دي ثقافة مش موجودة غير في بلدنا بس وعلشان كدة مقدرتش تقوم".

وتابع السيسي: "لكل مواطن أو مواطنة لما بتخلف أكثر من طفل أنت بتحط نفسك في مشكلة مش هتبقى كويسة وربنا مقالش كدة".

واستكمل قائد الانقلاب: "أشتري الحاجة أقل من ثمنها وأخد الخدمة بأقل من ثمنها ولما أخلف الدولة تأكلي عيالي الكلام ده مش موجود غير في بلدنا أحنا بس عشان كدة مقدرتش تقوم خلال السنين اللي فاتت ونحن مسؤولين أمام الله أننا نقوم البلد دي".

وتابع السيسي: "أنتم كمصريين هيجي عليكم وقت وتقولوا مش عارفين نعيش والحكومة مقصرة.. لا نقوم نغير ونهد الدنيا.. كل اللي عندك في دماغك هد الدنيا.. أيوه وأنا مسؤول عنكم بفكر في الدولة المصرية والحفاظ عليها.. إيجاد أسباب نمو مناسبة وتوفير الرخاء على قد ما بنقدر.. في إطار ما المعادلة الصعبة اللى بنتكلم فيها مع بعض".