علّق كريم حسين، أدمن صفحة "آسف يا ريس" في الذكرى الرابعة والستين لثورة 23 يوليو 1952 ضد الحكم الملكي، والتي أطاحت بالملك فاروق.

وقال عبر  حسابه بموقع التواصل الاجتماعي "فيس بوك": "أنا مش هكتب بوست طويل في ذكري 23 يوليو عن كوارث عبد الناصر لأن كتير كتب عنها كفاية بس إني أقولك إن عبد الناصر في نظري يعتبر مؤسس علم و نظرية الحقد الطبقي الحديث"، مضيفًا "ميراث مر بنتوارثه جيل بعد جيل دفع تمنه كاش عهد الرئيس السادات ومبارك من ضياع احتياطي وأرض ضايعه وتانية محتلة وجيش خرده".

وتابع: "عبد الناصر علَّم الناس أن كل رجل غني هو فاسد، كل راجل أعمال حرامي وسارق فلوسنا وقوتنا، كل مستثمر يبقى جاي ينهب ثرواتنا كان وقود النار اللي اتحرقت بيه مصر في 25 يناير بداية من الالة الحاسبة اللي كان الكل واقف بيحسب بيها في ميدان التحرير نصيبة من الـ70 مليار بتوع مبارك نهاية بالدولار اللي كسر حاجز الـ 12 جنية لأول مرة في تاريخه".

واختتم: "ده كفاية إني اقولك بس إن بوسة و love wins اللي شايفنها دي ما بين عبد الناصر ونجيب دي انتهت بعزل محمد نجيب من رئاسة مصر ورمية في قوضة من أربع حيطان على إيد صديقة جمال عبد الناصر".